13-vjeçarja është përdhunuar në grup prej katër muajsh. Është ky detaji i ri që po qarkullon në media, përpos deklaratës së të atit ku e konfirmoi rastin. Ky i fundit ka thënë se gjithçka ka nisur pasi vajzën e tij e kishin shantazhuar me videon intime.
Përdhunimi i 13-vjeçares/Tronditen mjekët, i ati rrëfen ngjarjen shokuese
Vajza është përdhunuar sistematikisht që nga tetori i vitit të kaluar deri më 29 janar 2019, kur vajza ka bërë kallëzim bashkë me prindërit.
E shantazhuan me videon intime/7 adoleshentët: Kemi kryer marrëdhënie disa herë me të
Si ka ndodhur ngjarja
Vajza ka qenë në një marrëdhënie intime me një 14 vjeçar, një prej djemve të grupit. Në ditëlindjen e tij, ai i ka kërkuar të miturës të kryejnë marrëdhënie seksuale. Vajza e ka refuzuar, por 14 vjeçari ka bërë si i mërzitur dhe i ka mbajtur qendrim refuzues. Në këto kushte, e ngarkuar emocionalisht dhe e lënduar, 13 vjeçarja ka pranuar.
Akti është kryer në një magazinë në pronësi të familjes së 14 vjeçarit, ndërsa një shok i tij ka shkuar për t’i filmuar e “ruajtur” se mos prindërit shkonin dhe i gjenin aty.
Këtu ka nisur kalvari i torturave dhe vuajtjeve për të miturën, raporton “newsbomb.al”. Adoleshentët, grup shokësh të moshës 14-16 vjeç i bënin presion se do i nxirrnin video-filmimin e aktit seksual me të dashurin e saj.
E frikësuar dhe e terrorizuar, vajza është abuzuar seksualisht nga 8 adoleshentët, që nga tetori 2018.
Ngjarja është zbuluar rastësisht në janar
Në muajin janar, ngjarja është zbuluar rastësisht nga pastruesja e shkollës, e cila ka njoftuar mësuesen kujdestare. Kjo e fundit ka vënë në dijeni drejtoreshën e shkollës si dhe prindërit. Pas një jave, më datë 29 janar, vajza ka bërë kallëzim me prindërit, dhe më datë 30 janar, çështja është regjistruar nga Prokuroria e Durrësit.
