“Sot vendi ynë, populli ynë, kjo Dhomë janë të bashkuar në zi”, tha Keir Starmer, kreu i Partisë Laburiste të opozitës, në Dhomën e Komunave teksa i bëri homazhe Mbretëreshës.
“Mbretëresha Elizabeth II ishte monarkja më e madhe e këtij vendi të madh. Dhe për shumicën dërrmuese prej nesh, është e pamundur të imagjinohet një Britani pa të”, tha Starmer.
“Mbretëresha Elizabeth krijoi një marrëdhënie të veçantë personale me të gjithë ne”.
“Ajo nuk mbretëroi thjesht mbi ne; ajo jetoi përkrah nesh. Ajo ndau shpresat dhe frikën tonë, gëzimin dhe dhimbjen tonë, kohët tona të mira dhe të këqija” shtoi Starmer.
Ashtu si kryeministrja Liz Truss, lideri laburist veçoi ndërhyrjen publike të Mbretëreshës gjatë pandemisë Covid-19 si një moment kyç në sundimin e saj.
“Në kohën kur ishim më të vetmuar, në një kohë që ishim ndarë, ajo e mbajti kombin afër në një mënyrë që askush tjetër nuk mund ta kishte bërë”.
“Për këtë, ne themi faleminderit”.
Burimi i lajmit: CNN. Përshtatur nga Tirana Today
