Shqiptari Eljado Prendaj është dënuar me burg nga një gjykatë në Britani. Në përpjekje për t’i shpëtuar policisë, ai ka përplasur makinë e tij me murrin rrethues të një shtëpie.
Craig Collins dhe familja e tij ishin në gjumë kur Eljado Prendaj pësoi aksidentin dhe përplasi makinën e tij tip “Ford Focus”. Ngjarja ka ndodhur në Leigh Road, dhe nga përplasja shqiptari i shkaktoi familjes 40,000 dollar dëme.
Ai jetonte ilegalisht në Britani dhe nga tentativa për t’iu arratisur policisë ai ka pësuar aksidentin e tmerrshëm, ku fatmirësisht ka mundur t’i mbijetojë. Ndërsa nga aksidenti dëmet materiale kanë qenë të konsiderueshme. Makina e tij ka çarë murin rrethues të banesë së faljes Collins, duke goditur dy makinat e saj, të cilat ndodheshin të parkuara në oborrin e shtëpisë.
Por, jo vetëm kaq. Nga pamjet ju mund të shikoni se aksidenti i ka qenë i frikshëm dhe njëri nga muret e shtëpisë së familjes britanike është çarë. Familjes i është dashur që për një javë të jetonte në hotel, derisa u bë rikonstruktimi i banesës së saj.
Duke e përshkruar incidentin si “një nga rastet më të këqija dhe si ngjarje të rrezikshme” gjyqtari, Gary Burrell QC, e dënoi Prendajn me 12 muaj burg dhe i tha atij se ai do dëbohet pas përfundimit të dënimit.
Ngjarja e rëndë ka ndodhur mëngjesin e 3 nëntorit, tha prokurori Roderick Blaine në gjykatë./Përshtati: Tirana Today/
