E keni çuar ndonjëherë ndër mend se jashtëqitja e bebeve, mund të përdoret si ilaç për të rriturit? Sigurisht që do ju duket një shaka qesharake, por në fakt studimet thonë krejt të kundërtën, duke na e vërtetuar me fakte.
Në bazë të një studimi të publikuar së fundmi në “Sientific Reports”, rezulton se jashtëqitja e bebeve mund të përdoret për të shëruar dhe parandaluar sëmundjet tek të rriturit.
Studiuesit morën kampione nga jashtëqitja e 34 bebeve, dhe i analizuan për të përftuar kështu 10 lloje të ndryshme bakteresh, që sipas tyre, mund të përdoren për të përmirësuar funksionin e organizmit tek të rriturit.
Kërkuesit janë të mendimit se bakteret që përmban jashtëqitja e bebeve të vogla, mund të prodhojnë probiotikë, që mund të trajtojnë dhe parandalojnë sëmundje si obeziteti.
Doktori që ndoqi këtë studim, Hariom Yadav, tregon se jashtëqitja e bebeve mund të kurojë sëmundjet që shfaqen me kalimin e moshës, si diabeti apo kanceri.
Sigurisht për të arritur këto efekte, “lënda e parë” duhet përpunuar në kushte laboratorike. Këto përfundime mbeten ende në kuadrin e studimeve, pasi ende nuk ka diçka konkrete.
