Serbia u mposht 2: 1 nga Zvicra në Rusi, nga dy gola të shënuar nga shqiptarët Granit Xhaka dhe Gjerdan Shaqiri.
Por kapiteni i skuadrës serbe Aleksander Kolarov ka fajësuar gjyqtarin dhe nga ana tjetër ka komentuar gjestin e bëra nga ana e dy lojtarëve shqiptarë pas shënimit të golave.
Kapiteni serb Alexander Kolarov është jashtëzakonisht i zemëruar me gjyqtarin Felix Bri dhe ai është shprehur se ai nuk kishte bërë “drejtësi” në ndeshjen me Zvicrën.
“Njerëzit e FIFA-s duhet të jenë të pakënaqur me atë që pashë sot. Është sikur ne të na gjykonte një gjyqtar malazez. Unë nuk mund të besoj se një gjyqtar gjerman ndëshkon Zvicrën. Ai gjithë kohës fliste gjermanisht, unë iu lusja që ai të fliste anglisht. Ne nuk jemi gjermanë. Na mohoi një penallti. Ai na ndëshkoi me shumë kartonë të verdhë. Për faj të tij ne pësuam gola. Ky është gjykimi im, unë jam i zhgënjyer “, ka thënë Kolarov .
Kolarov shkurtimisht ka reaguar lidhur me bërjen e simbolit të shqiponjës nga ana e Granit Xhakës dhe Gjerdan Shaqirit.
“Ne jemi serbë, jemi mbi këtë nivel primitiv. Jemi dhjetë vjet përpara atyre që festojnë në një mënyrë të tillë”, vuri në dukje kapiteni serb.
