Një burrë australian ka vdekur, pasi u sulmua nga një kangur që e mbante si kafshë shtëpiake, thotë policia.
Një i afërm e gjeti 77-vjeçarin me lëndime të rënda të hënën në shtëpinë e tij në Redmond, rreth 400 km (250 milje) në jug të Perthit.
Kur ndihmës mjekët mbërritën në pronën rurale, kanguri i pengoi ata të trajtonin 77-vjeçarin.Burri ka ndërruar jetë në vendngjarje.
Një zëdhënës i policisë tha për mediat se besonin se burri ishte sulmuar nga kanguri – një kafshë e egër – më herët gjatë ditës.
Australia është shtëpia e rreth 50 milionë kangurëve, të cilët mund të peshojnë deri në 90 kg dhe të rriten deri në 2 metra të gjatë.
Por sulmet fatale janë të rralla – ky është i pari i raportuar në Australi që nga viti 1936.
Kangurët kanë “shumë armë” si dhëmbë të mprehtë, kthetra dhe këmbë të fuqishme, tha eksperti i sjelljes së kangurit Graeme Coulson për Korporatën Australiane të Transmetimeve.
Në korrik, një kangur la një grua 67-vjeçare me prerje dhe një këmbë të thyer, pasi e sulmoi atë në një shëtitje në Queensland.
Dhe një vajzë tre vjeçare pësoi lëndime të rënda në kokë në një sulm në Uellsin e Ri Jugor në mars.
Zhvillimi urban në të gjithë Australinë, po prek gjithnjë e më shumë habitatet e kangurit të egër.
Burimi i lajmit: BBC. Pershtatur nga Tirana Today
