Zbardhen detaje nga seanca në ngarkim të 4 të akuzuarve për vrasjen e Marvi Mihalit, si dhe rrëfimi i prindërve të tij.
Nëna e Marvi Mihalit ka deklaruar sot në sallën e gjyqit se ka parë videon e vrasjes dhe se personi që i qëlloi të birin është Dejvi Bitraj.
Nëna e 22-vjeçarit, tha se besonte të drejtësia dhe se do luftonte deri në fund, ndërsa shtoi se nëse nuk ndodhte kjo gjë do të bënte vetëgjyqësi, raporton BalkanWeb.
“Dua të sqaroj se nuk do të ketë kurrë gjyq për dëmshpërblim. Nuk ka vlerë që më zëvendëson djalin. Në ngjarje Marvi ka hyrë vetëm për të ndarë dy vetë. Eugen Bitraj e tërhoqi nga pas dhe e rrëzoi. Ata ishin përgatitur për të vrarë. Do vrisnin këdo që do u dilte para. Kam besim tek drejtësia dhe sa të kem jetë do luftoj. Askush nuk mund të dalë i pa lagur nga kjo histori. Nëse s’ka drejtësi, do të bëj vetëgjyqësi”, tha Fatmira Mihali.
