Romelu Lukaku ka qenë mbresëlënës këtë sezon me “Djajtë e kuq”, por ka qenë edhe në shënjestër të kritikave. 24-vjeçari beson se ka treguar aftësitë e tij të larta në repartin e sulmit dhe shprehet se meriton më shumë respekt.
Sulmuesi shënoi 22 gola në 40 paraqitje në të gjitha garat për Manchester Unitedin, pasi u transferua për 75 milionë euro nga Everton në sezonin që lamë pas.
Belgu luajti një rol kyç në fitoren 2-1 të United kundër Chelsea të dielën, duke barazuar menjëherë pas golit të Willian.
“Unë fillova të luaja kur isha 16 vjeç. Çdo vit, njerëzit presin nga unë 20 gola, e kam bërë atë për 10 vjet, kështu që mendoj se e kam provuar veten”, u tha ai para gazetarëve.
“Ne presim pak më shumë respekt, por kjo është ajo ku jemi. Nuk dëgjoj. Unë vetëm dua të përmirësohem dhe t’u tregoj njerëzve se çfarë mund të bëj në fushë. Për sa kohë që fitoj dhe e udhëheq ekipin tim për të fituar, do të jem shumë i kënaqur. Si një futbollist, nuk luaj për vete. Dhe unë jam ambicioz dhe do të punoj çdo ditë për ekipin tim për të fituar – jo se nuk jam duke menduar për veten time.
“Unë ende mund të përmirësoj gjithçka në lojën time, unë jam 24 vjeç dhe mendoj se kam shumë vite para meje kështu që kurrë nuk jam i kënaqur. Gjithmonë dëshiroj të përmirësohem dhe të përmirësohem para çdo sfide.
“Mendoj se kam një rekord të mirë që kam shënuar shumë këtë sezon dhe dua të vazhdoj, unë e di që mund të përmirësohem dhe me të vërtetë punoj shumë. Unë dua të fitoj trofe, jemi ende në garë për dy të tillë. Nuk do të jetë e lehtë, por është një sfidë e mirë”.
Ish-ylli i Anderleht, Lukaku, kishte mundësinë të kthehej tek Chelsea në verë në vend që të shkonte në Old Trafford, por ai është i lumtur dhe beson se ai bëri zgjedhjen e duhur.
“Kur bëj një zgjedhje është me kokën dhe zemrën time. Kam bërë zgjedhjen e duhur, siç e shihni, unë jam në një situatë të mirë, jam me një menaxher dhe lojtarë që më ndihmojnë shumë”, shtoi ai. Përshtati TIRANA TODAY
