Një studim i kryer në Japoni ka dalë në përfundime surprizuese sa i takon konsumimit të akullores. Njerëzit të cilët u bënë pjesë e eksperimentit konsumuan tre lugë me akullore sapo u zgjuan nga gjumi. Sipas kërkuesve, njerëzit që hanë akullore në mëngjes, i përpunojnë informacionet më shpejtë dhe kanë një kohë më të shkurtër reagimi.
Një shkencëtar japonez ka vërtetuar tezën se një kupë akullore në mëngjes, mund të përshpejtojë të gjitha proceset e trurit. Eksperimenti i kryer nga Yoshihiko Koga, një profesor në Universitetin e Kyorin në Tokio, konsistonte në ngrënien e tre lugëve me akullore sapo zgjohesh nga gjumi.
Studiuesi zbuloi se njerëzit që kishin ngrënë akullore, ishin shumë më të shpejtë në përpunimin e informacionit sesa njerëzit që nuk kishin konsumuar asgjë në mëngjes. Po si arriti në këtë përfundim?
Ai ka matur gjithashtu valët e trurit gjatë eksperimentit, dhe rezultoi se valët alfa, përgjegjëse për përqëndrimin dhe koordinimin e lëvizjeve ishin rritur ndjeshëm tek njerëzit që kishin ngrënë akullore.
