Komisioni Kombëtar i Përzgjedhjes ka refuzuar kërkesën e ministres teknike të Arsimit Mirela Karabina, për shkarkimin e Sekretarit të MAS, Plarent Ndreca.
Fillimisht përplasja mes ministres dhe sekretarit nisi me pezullimin e drejtores së DAR Vlorë, Albana Hodajt.
Në njoftimin për pezullimin e Hodajt, thuhej ndër të tjera se “Sekretari i Përgjithshëm jo vetëm që nuk ka qene bashkëpunues në këtë proces, por vijon të pengojë duke ushtruar presion konstant në administratën e Ministrisë së Arsimit dhe Sportit.”
Pas kësaj, Ndreca reagoi teksa tha se Hodaj vazhdo të jetë në krye të detyrës, pasi nuk ka nisur asnjë procedurë për pezullimin e saj.
Menjëherë erdhi “reagimi” i ministres, e cila e kallëzoi Ndrecën me arsyetimin se ka cenuar procesin e maturës shtetërore, ndërsa një ditë më pas Karabina kërkoi shkarkimin e menjëhershëm të Sekretarit Ndreca, kërkesë kjo që u refuzua nga Komisioni Kombëtar i Përzgjedhjes.
