Pas rezistencës së familjarëve të banesës në Laprakë, familja Nela është nxjerrë me forcë nga Policia e Rendit dhe ajo Bashkiake. Ndërkohë, tashmë ka nisur prishja e banesës pas nxjerrjes së banorëve.
Zonja e shtëpisë ka pretenduar se është dhunuar nga policët si dhe ka pasur një gjendje të fikti, ndërsa tashmë situata vijon më e qetë.
Kjo banesë dy katëshe mësohet se në kat të parë përdorej si biznes, pra si një dyqan ndërsa katin e dytë pronarët e kishin lëshuar me qira.
“Kam punuar një jetë për këtë ndërtesë. Nuk është biznes për por të ngrënë bukë. U kërkova 3 ditë kohë për të lëvizur gjërat”, ka thënë ajo e përlotur ndërsa i shoqi teksa e mban nga krahu i thotë se “iku” duke iu referuar banesës tashmë të shkatërruar.