Bajram Rexhepi, ish-kryeministër i Kosovës ka ndërruar jetë ditën e sotme, në orët e para të mëngjesit, pas një hemoragjie cerebrale.
Rexhepi ndodhej në koma prej muajsh dhe ishte shtruar në njërin prej spitaleve në Turqi.
Ai fillimisht ishte shtruar në Qendrën Klinike Universitare të Kosovës, ku edhe i është nënshtruar operacionit, por për shkak të gjendjes së rëndë është transferuar në Turqi pas sulmeve të pësuara në tru.
Vdekja e tij është konfirmuar edhe nga ambasadori i Kosovës në Turqi, Avni Spahiu.
Ky i fundit ka thënë se ka pasur një komunikim me spitalin ku ka qëndruar Rexhepi dhe është njoftuar për vdekjen e ish-kryeministrit.
Rexhepi ka qenë kryeministri i parë i Kosovës në mars të 2002.
