Parlamenti i Katalonjës ka votuar pro shpalljes së pavarësisë nga Spanja.
70 deputetë katalanas votuan pro shpalljes së pavarësisë dhe vetëm 10 prej tyre i thanë jo shkëputjes nga Madridi, ndërkohë që opozita e kishte bojkotuar seancën. Në parlament është kënduar himni katalanas Els Segadors, ndërsa në shesh kanë nisur festimet.
Rajoni shpalli pavarësinë pas dështimit të dialogut me Madridin zyrtar. Ndërkohë, senati spanjoll pritet të votojë për kontrollin ndaj Katalonjës.
Më herët, kryeministri i Spanjës Mariano Rajoy deklaroi se nuk kishte rrugë tjetër, përveçse të shkarkojë Presidentin katalanas Carles Puigdemont, zëvendësin e tij dhe të gjithë ministrat rajonalë dhe të aktivizonte nenin e kushtetutës që vendos autoritetet të drejtpërdrejtë të Madridit mbi rajon për rikthimin e “ligjit, demokracisë dhe stabilitetit” në Katalonja.
Kriza filloi kur Katalonja kërkoi pavarësinë me anë të një referendumi që u mbajt më 3 tetor, ku qytetarët votuan në favor të pavarësisë dhe shkëputjes nga Spanja.
