Politika amerikane dhe ajo evropiane ja dalin mbanë të korrin një tjetër fitore ndaj ruso-sllavëve. Me anën e një postimi në twitter Sekretari i Përgjithshëm i NATO-s, Jens Stoltenberg, njoftoi se protokolli i pranimit të “Maqedonisë së Veriut”, siç quhet tashmë ish-FYROM, do të nënshkruhet më 6 shkurt.
“Më 6 shkurt ne do të shkruajmë historinë: # Aleatët e NATO-s do të nënshkruajnë protokollin e pranimit me Republikën e Maqedonisë së Veriut së bashku me FM @Dimitrov_Nikola”, hkruan Sekretari i NATO-s.
Marrëveshja e diskutueshme e Prespës, e cila u miratua javën e kaluar në parlamentin grek, ka shkaktuar shqetësim të madh për Rusinë, pasi hapi rrugën që kombi i vogël të hyjë në aleancën ushtarake të udhëhequr nga SHBA, që po zgjeron ndikimin e saj edhe më shumë në rajonin e Ballkanit, një zonë ku Rusia ka interesa strategjike.
Ndërkohë parlamenti grek ka njoftuar se do të mblidhet të hënën për të kryer votimin e zhbllokimit të vetos së vjetër kundër përfshirjes së ish-Maqedonisë në NATO.
TIRANA TODAY
