Parlamenti grek ka ratifikuar Marrëveshjen e Prespës. Ditën e sotme, në parlamentin grek u votua mbi këtë marrëveshje, e cila mori 153 vota pro. Ndërkohë, 146 vota kanë qenë kundër kësaj marrëveshjeje.
Marrëveshja e Prespës ka në thelb emrin e Maqedonisë së Veriut, teksa pak ditë më parë parlamenti maqedonas votoi pro ndryshimit të emrit të shtetit nga Maqedonia, në Maqedonia e Veriut.
Menjëherë pas votimit, deputetët e Agimit të Artë janë ngritur në këmbë duke kundërshtuar rezultatin e votimit. Kujtojmë se kjo marrëveshje pati kundërshtime të shumta, teksa mbrëmë ka pasur protesta të dhunshme jashtë parlamentit mes qytetarëve greke dhe policisë.
