Reagon për herë të parë ish-ministri i Brendshëm Saimir Tahiri, pas kërkesës së Prokurorisë së Krimeve të Rënda për heqjen e imunitetit dhe arrestimin e tij.
Media ka “zbarkuar” pranë shtëpisë së deputetit Tahiri, prej mëngjesit të sotëm.
Vetëm para pak minutash Tahiri ka dalë nga banesa e tij, ndërsa ka folur shkurt për mediat, teksa ka thënë:
“Nuk kam asgjë për të thënë. S’keni parë gjë akoma!”
https://www.youtube.com/watch?v=1pIWg__yQXM
Duket se ky është një mesazh drejtuar kryeministrit Rama, teksa është një shprehje që përdoret kryesisht nga kryeministri Rama.
Ndërkaq mësohet se Tahiri ka pritur në shtëpinë e tij për 30 minuta mikun e ngushtë të Edi Ramës, Gazmend Demi. Biseda midis tyre mendohet se ka qenë e fokusuar tek arrestimi i mundshëm i Saimir Tahirit, dhe “shitjes” që i ka bërë këtij të fundit kryeministrit Rama, duke kërkuar të zbardhet e vërteta. Ndërsa Tahiri, po përpiqet të shpëtojë nga arrestimi me të gjitha mënyrat.
