Drejtuesi i “Xing me Ermalin” ka reaguar pas sherrit dhe replikave që erdhën si pasojë e një deklarate të Tunës. Kjo e fundit tha se nuk do i shkojë ndonjëherë në emision Rudina Magjistarit. Gjë që solli reagimin e moderatores, e cila ishte inatosur keq edhe me Ermalin.
Në reagimin e sotëm ndaj Tunës, Rudina e mbyllte shkrimin me një ‘kërcënim’ ndaj Mamaqit, pasi shkruante: “Ermal, e do edhe ti një?”
Por, Ermali ka zgjedhur t’i përgjigjet Rudinës dhe të gjithë kritikëve. Ai ka postuar një foto të Tunës, ku e mbron këngëtaren të cilën e quan më të vërtetë se ata që japin përgjigje në emision vetëm për të ruajtur imazhin.
Reagimi i Mamaqit:
Pashë histerinë e atyre që duan të shohin vetëm njerëz në kornizë,të rrinë drejtë,të flasin të shtirur, të mos qeshin shumë dhe nuk e durojnë dot një artist që të lëshojë pak veten. Por kjo është Tuna, nuk e kursen kurrë veten si në performanca artistike, si në raportin me publikun, dhe në fund është shumë më e vërtet se ata që nëpër emisione japin vetëm përgjigje për të ruajtur imazhin.
Personalisht unë e shijova shumë… edhe çifti e shijoi.
Edhe ju që bëni moral e shijuat më shumë, meqë siç e tha dhe Tuna jeni më të interesuar në hallet familjare të personazheve se sa në karrierën e tyre. Ama keq kur i fshehin, e keq kur ua shuajnë kuriozitetin.
Gabimi i vetëm i Tunës është që duke e ditur që gjithmonë figura e femrës masakrohet dhe fajësohet për të gjitha problemet familjare, ajo nuk ka frike! Nuk perpiqet të manipulojë publikun duke u shtirur, por të çarmatos me sinqeritetin, edhe atëherë kur thotë me zë gjêra qe guxojmë ti mendojmë vetëm në fshehtësi. Uroj të kem në emision më shume të ftuar të tillë!
