Këngëtari i njohur i muzikës shqiptare dhe njëherësh pjesëmarrës në disa formate televizive, Sidrit Bejleri ka treguar mes lotësh momentin e dhimbshëm, kur vajza e tij u nda nga jeta.
Teksa ka folur në “News 24”, ai ka ndarë me shqiptarët momentet e vështira se si ndihet një baba kur humb gjënë më të shtrenjtë. Ai tha se dhimbja për humbjen e vajzës ishte shumë e madhe, por falë mbështetjes së miqve ia doli ta kalojë . 
“Doja të tregoja si mund të përballohet dhimbja. S’ishte e thjeshtë për tu kaluar, por me njerëz e kalova. Me mbështetjen e Elvisit kalova atë ngjarje të rëndë”-u shpreh Bejleri.
Vogëlushja e Sidrit Bejlerit mbante emrin Sofia, ndërsa ajo u largua nga kjo botë kur ishte vetëm 19 muajshe.
