Imazhe tronditëse tregojnë se një delfin i gjetur në breg të detit kishte vdekur si pasojë e disa plagëve të rënda. Rreth gojës së tij ishte mbështjellë një plastikë, e cila e kishte dëmtuar dhe nuk e lejonte të ushqehej.
Fotografia është marrë nga një kalimtar i cili e gjeti krijesën në breg të detit në ishullin Jeresey. Ekspertët besojnë se delfini mund të ketë vdekur si rezultat i kapjes nga rrjetat e peshkimit.
Imazhet shërbejnë si një kujtesë për rreziqet që vijnë nga ndotja plastike e ujërave dhe shkatërrimit që po u bëhet specieve detare. Departamenti i Peshkimit dhe Resurset Detare të Jersey-it kanë thënë se nuk kanë qenë në gjendje të gjejnë delfinin dhe kanë nxitur banorët ti ndihmojnë.
Paul Chambers, nga departamenti i peshkimit, tha: ‘Duket sikur diçka është mbështjellë rreth qafës dhe ka një seri lëndimesh shumë të thella. Mund të kishte qenë një copë mbeturine që u mbështoll me sqep ose mund të ketë ngecur në mjetin e peshkimit dhe përpiqej të shpëtonte.
Ajo dukej e zbehtë dhe mund të vdiste nga uria, por unë nuk mund të garantoj shkakun e vdekjes”.
Një zëdhënës nga Ruajtja e Balenave dhe Delfinëve ka thënë se delfin ka më shumë gjasa të jetë viktimë e kapjes së rastësishme në rrjetën e peshkimit.
Ai tha për Mail Online: “Duket sikur ky delfin mund të ketë vdekur si rezultat i kapjes së peshkimit, kërcënimi më i madh për delfinët dhe balenat.
I bllokuar në mjetin e peshkimit është një mënyrë e tmerrshme për të vdekur. Duke qenë të ngecur dhe në panik, përpiqen të shpëtojnë dhe marrin plagë të tmerrshme. Kur dorëzohen dhe nuk mund të luftojnë më, ata mbyllin vrimat e tyre dhe mbyten.”
Përshtati TIRANA TODAY
