Këngëtarja shqiptare Elvana Gjata është bërë e gjallë pas gati 4 muajsh nga ngjarja e rëndë në ish-Bllok ku u vra një person e u plagosën dy të tjerë.
Ajo ishte një nga personazhet më të përfolura lidhur me këtë ngjarje, për shkak të famës si dhe për shkak se është e fejuara e një nga personat që u përfshi në sherr.
Madje, u përfol se këngëtarja ka qenë mollë sherri për grupet që më pas u përleshën me armë zjarri.
Sot, para pak minutash, këngëtarja Elvana Gjata ka thyer heshtjen 4 mujore, teksa tregon se sa periudhë të vështirë ajo ka kaluar.
“Ju detyrohem të gjithë atyre që më kanë shkruar duke më pyetur për shëndetin e duke më ofruar mbështetjen e tyre. Kam kaluar një periudhë shumë të vështirë, fizikisht dhe moralisht. E dërrmuar dhe e vrarë nga fjalë, fjalë, fjalë”, shkruan ndër të tjera këngëtarja.
Në foton e postuar ajo shfaqet në një studio muzikore, ndërsa vihet re se Elvana ka humbur peshë.
Postimi i plotë i këngëtares:
Nuk e kam aspak te lehte kete moment, por e kuptoj qe me duhet ti them dy fjale, pasi u detyrohem shume te gjithe atyre qe cdo dite me kane shkruar duke me pyetur per shendetin, e duke me ofruar mbeshtetjen e tyre… kolege, miq, te aferm, dhe sigurisht ata qe kurre nuk me kane braktisur e kurre nuk kane reshtur me dashurine e tyre ndaj meje dhe muzikes time, fansat e mi.
Po… kam kaluar nje periudhe shume te veshtire… fizikisht dhe moralisht… e derrmuar dhe e vrare nga fjale, fjale,fjale… edhe me shume se sa une ne kete moment mund te shpreh me fjale…
Kurre ne jeten time si kam dashur keq askujt…ajo qe kam dashur gjithmone eshte te shoh vec lumturi, kudo ku kemi qene bashke, ne cdo koncert e cdo video qe ju keni publikuar me kenget e mia.
Nuk e kam aspak te lehte, por ju kam ju… e do vazhdoj te bej ate per te cilen me keni dhuruar kaq shume dashuri ne me shume se 10 vjet e pa te cilen nuk di a mund te jetoj… ??????
