Ministria për Evropën dhe Punët e Jashtme ka thirrur sot ambasadoren e Greqisë në Shqipëri, Eleni Surani. Kjo thirrje vjen pas ngjarjeve të trazuara që ndodhën pas vrasjes së ekstremistit grek, Konstandinos Kacifa në Bularat të Gjirokastrës.
Të tilla janë alarmi për bombë pranë Ambasadës tonë në Athinë, djegia e bizneseve shqiptare, protesta para ambasadës dhe konsullatës tonë si dhe djegia e flamurit kombëtar.
Nga ministria, ambasadores iu kërkua distancimi nga këto ngjarje dhe në të njëjtën kohë, dënimi nga ana e autoriteteve greke ndaj këtyre akteve të rënda që cenojnë klimën e marrëdhënieve miqësore mes fqinjëve.
MEPJ nënvizoi gjithashtu nevojën që autoritetet greke të marrin masat e duhura për të garantuar jetën dhe pronën e shtetasve shqiptarë me banim në Greqi.
