Një ngjarje e pazakontë ka ndodhur mbrëmjen e së martës në zonën e Liqenit Artificial në Tiranë, ku janë raportuar të shtëna me armë zjarri. Ngjarja është regjistruar rreth orës 20:00 dhe sipas të dhënave të para dyshohet për një konflikt të çastit, ku një person ka qëlluar në ajër.
Policia ka mbërritur menjëherë në vendin e ngjarjes së bashku me grupin hetimor dhe po punon për të zbardhur rrethanat e plota të incidentit. Deri më tani nuk raportohet për persona të plagosur.
Në një njoftim paraprak, policia deklaroi:
“Ka ardhur një telefonatë për të shtëna me armë te Liqeni, kanë shkuar shërbimet për ta verifikuar. Paraprakisht dyshohet për një konflikt çasti, ku njëri dyshohet se ka qëlluar në ajër me armë zjarri. Deri tani s’ka informacion për persona të plagosur me armë zjarri. Policia në terren po kryen verifikimet.”
