Është mbyllur në rezultatin 0-2 sfida e luajtur në “San Siro”, mes Milanit dhe Juventusit, ku heroi i kësaj sfide ka qenë Higuain. I kritikuar shumë në ndeshjet e fundit për atë që po jepte në fushë, “El Pipita” rikthehet të shënojë dy gola në një përballje mjaft të rëndësishme, që i con momentalisht në vendin e parë me pikë të barabarta me Napolin. Kuqezinjtë e Montellas nuk arrijnë t’ia dalin të fitojnë një ndeshje kaq të vështirë edhe pse pretendonin se pas fitore me Chievon gjërat ishin përmirësuar.
Ndeshja foli që në fillim për ekipin e Allegrit, i cili hedh në fushë më të mirët dhe kërkon fitoren me çdo kusht, gjë që ia arrin mjaft mirë. Është Higuainë heroi i ndeshjes me nga një gol në çdo pjesë, për tu kthyer në Torino me tre pikë. Edhe pse Milan pas pësimit të golit të parë hidhet në sulm dhe la përshtypjen që në pjesën e dytë do të jepte diçka më shumë dhe mund ta barazonte ndeshjen. Por mbrojtja juventine ishte në një formë mjaft të mirë me Ruganin dhe Chiellinin, të cilët ishin të pakalueshëm për Suso dhe Kalinic. Kur kuqezinjtë u dukën në momentin më të mirë, Juve tregon eksperiencën dhe kualitetet e mëdha që ka në ekip dhe e ndëshkon me golin e dytë, i cili shuan shpresat e milanistëve.
Kjo humbje e lë Milanin në vendin e 8 me 16 pikë përkohësisht, pasi në rast fitoreje të Atalantës, Chievos e Torinos atëherë ata do të zbresin disa vende më poshtë. Ndërsa Juventus do të qëndrojë në vendin e dytë me pikë të barabarta me Napolin të paktën në 24 orët e ardhshme, derisa Napoli dhe Interi të zhvillojnë ndeshje e javës së 11. Juventus largon fjalët për një krizë të mundshme në ekip dhe kthehet në majë, ndërsa se çfarë do ndodhë na kampin kuqezi mbetet për tu parë. Pasi pritet të merren masa nga bordi drejtues duke parë edhe diferencat që po krijohen edhe me zonën Europiane.
https://www.youtube.com/watch?v=1Ptv_tj0IBA&ab_channel=PremiumSintesi2
