Meshkujt që pinë dy kafe në ditë, dyfishojnë mundësinë e partneres për të mbetur shtatzënë.
Një studim i ri me 500 çifte që po përpiqeshin të bëheshin prindër, sugjeron se të pish kafeinë një javë para se të kryesh marrëdhënie, rrit shanset që gruaja të mbetet shtatzënë. Ky studim u prezantua në konferencën vjetore Shoqëria Amerikane për Medikamentet Riprodhuese në Denver. Në studim rezultoi se konsumimi i kafeinës nga meshkujt dyfishon shanset për shtatzëni tek femrat.
Nga ana tjetër, femrat që pinë alkol para dhe pas ovulacionit, ulin shanset për shtatzëni.
Doktoresha Sunni Mumford, autore kryesore e studimit nga Institutet Kombëtare të Shëndetit në SHBA, tha: “Ne ishim të befasuar nga rezultatet edhe pse kërkimi mbi marrjen e kafeinës tek meshkujt dhe efektet e saj mbi fertilitetin është disi i përzier.
Këto rezultate nxjerrin në pah rëndësinë e faktorëve të jetesës në partnerët meshkuj dhe femra gjatë ‘dritareve’ të ndjeshme të riprodhimit për të ndikuar në fekondimin dhe nevojën për udhëzime të përshtatshme për çiftet që kërkojnë shtatzëni”.
Gjetjet shkojnë kundër studimeve të mëparshme që sugjerojnë se çaji dhe kafeja mund të mos jenë të mira për burrat që përpiqen për një fëmijë.
Sheena Lewis, eksperte në ekspertizën riprodhuese në Universitetin e Mbretëreshës në Belfast, tha se ekzistonte një mekanizëm i mundshëm që mund të mbështeste zbulimet më të fundit që përfshinin dy kimikate në trup të quajtur ATP dhe GTP.
“Kafeina parandalon që këto kimikate të shkatërrohen, pra aq më shumë energji është në dispozicion të qelizave duke përfshirë spermatozoidet, që të mund të notojnë më shpejt ose më gjatë”, tha ajo.
“Ky është një lajm i mirë, sepse shumë nga shterpësitë janë shkaktuar nga spermatozoidet që janë notarë të dobët”.
Megjithatë, ekspertë të tjerë mbetën të kujdesshëm dhe këshilluan njerëzit që përpiqen të kenë një fëmijë që të mos nxitojnë dhe të mos blejnë pije në përmbajtje të lartë të kafeinës.
Charles Kingsland është drejtor klinik i ‘Fertility Care’ tha: “Ky studim tregon se çfarë hani dhe pini është shumë e rëndësishme dhe ndikon nëse dëshironi të mbeteni shtatzënë. Në mënyrë të pashmangshme, pirja e duhanit dhe alkooli i tepërt është i keq për zhvillimin e foshnjave të shëndetshme. Këto substanca janë në thelb helme.”/ Përshtati TIRANA TODAY
