Brazili ka zyrtarizuar listën e futbollistëve të ‘Selecao’, me të cilët do të zhvillojë ndeshjet miqësore në fund të marsit përballë Panamasë dhe Çekisë. Në këtë listë trajneri Tite ka përfshirë shumë emra të rinj dhe ka bërë bujë një emër i madh i cili është lënë jashtë.
Neymar është zyrtarizuar prej ditësh që nuk do të jetë pjesë për shkak të dëmtimit dhe në vend të tij është thirrur për herë të parë në kombëtare ylli i Real Madridit, Vinicius Jr.
Shumë futbollistë që vijnë nga Serie A, mes tyre mesfushori që po shkëlqen te Milani, Paqueta, në thirrjen e tij të dytë. “Jam i nderuar që do t’i shërbej popullit dhe atdheut tim. Falënderoj Zotin”, postoi në rrjetet sociale numri “39” kuqezi.
Konfirmohet edhe mesfushori i Napolit, Allan, ashtu si mbrojtësi i qendrës së Interit, Miranda. Bën bujë thirrja e Alex Sandros në krah, duke qenë se në listë nuk figuron Marcelo, mbrojtësi i krahut te Realit dhe kandidat në fund të sezonit për t’i marrë vendin.
