Ai u bë i famshëm me gafat e tmerrshme që bëri në finalen e Champions League, ku Real Madird mposhti Liverpool. Bëhet fjalë për Loris Karius i cili muajt e fundit ka kaluar një traum mjaft të vështirë. Jurgen Klopp nuk i dha më besim pas finales së Championsit dhe në këtë mënyrë ai u huazua në kampionatin turk, tek Besiktas.
Por edhe në Turqi ai ka vuajtur shumë duke bërë disa gabime amatore, të cilat kanë rezultuar fatale për fatin e takimit. Aftësitë e tij ishin vënë shumë në diskutim edhe pse kishte qenë pjesë e një ekipi të madh. Por gjithcka ka ndryshuar pas ndeshjes së të premtes.
Dje portieri ka bërë 2 mrekulli në portën e Besiktas. E para kur zgjati krahun për të arritur përpara ish-sulmuesit të Newcastle Papiss Cisse duke i mohuar një gol të sigurt. Dhe po nga ky sulmues Karius eviton një goditje të fortë me të majtën.
Veprimet e Karius janë vlerësuar shumë nga tifozëria dhe drejtuesit e klubit duke e ngritur atë në palmar. Ishte merita e tij për ti dhënë ekipit 1 pikë të vlefshme në fushën e Alanyaspor.
