Dy persona ende të paidentifikuar kanë dhunuar avokatin Ilia Ilia. Ngjarja është shënuar para Prokurorisë së Durrësit, në rrethana ende të paqarta.
Pas kësaj ngjarje, menjëherë janë hedhur hipotezat e para, ende jo zyrtare. Avokati dyshon se dy personat kanë ardhur në emër të prokurorit Arjan Ndoji, raporton “Panorama”.
Sipas tij, ata kanë pasur një debat në sallën e gjyqit, një ditë më parë.
Avokati i dhunuar është shprehur më tej se pas debatit, Arjan Ndoji e ka kërcënuar.
“Pas debatit, ai më kërcënoi. Pasi të mjekohem, po shkoj në polici të bëj denoncimin”, ka thënë avokati.
Avokati i njohur, ka pasur çështje të rëndësishme. Ai ka mbrojtur grupin e Shijakut dhe ka qenë edhe avokat i Lul Berishës.
