Anija kozmike Starliner e Boeing ka përfunduar udhëtimin e saj të kthimit në Tokë por astronautët e ngecur në hapësirë mbetën pas në Stacionin Ndërkombëtar të Hapësirës. Anija bosh udhëtoi në mënyrë autonome pasi u shkarkua nga laboratori orbital.
Kapsula, e cila pësoi probleme teknike pasi u nis me Butch Wilmore të Nasa-s dhe Suni Williams në bord, u konsiderua shumë e rrezikshme për t’i çuar astronautët në shtëpi. Në vend të kësaj, ata do të kthehen me një “SpaceX Crew Dragon”, por jo deri në shkurt. Pas kthimit të Starliner, një zëdhënës i NASA-s tha se ishte i kënaqur me uljen e suksesshme, por dëshironte që të kishte shkuar siç ishte planifikuar fillimisht. Fluturimi i kthimit zgjati gjashtë orë.
Pasi u rihyri në atmosferën e Tokës, parashutat u përdorën për të ngadalësuar zbritjen e saj në Portin Hapësinor White Sands në New Mexico të shtunën. Nasa tha më herët se Butch dhe Suni ishin në humor të mirë dhe në kontakt të rregullt me familjet e tyre. Dy astronautët, të cilët nuk do të kthehen deri vitin e ardhshëm, do të kalojnë më shumë se tetë muaj në hapësirë, pasi kishin planifikuar fillimisht për një mision tetë-ditor.
