Një dush me ujë të nxehtë është ideal në këtë periudhë të vitit, ku temperaturat janë tepër të ulëta. Megjithatë, mjekët sugjerojnë ta shmangni larjen me ujë të nxehtë.
Kjo për shkak të intensitetit të lartë të nxehtësisë, që prish barrierat mbrojtëse të lëkurës. Sipas mjekëve, e mira është që të laheni me ujë mesatarisht të nxehtë, e më pas të përdorni hidratues për të gjithë trupin në mënyrë që të ruhet barriera mbrojtëse ndaj baktereve dhe mikroorganizmave të tjerë.
Kjo do të ju ndihmojë që të shmangni lëkurën e thatë në këto ditë si dhe të shtoni kujdesin e nevojshëm për kohët më të ftohta.
