Pas akuzave dhe ironisë, që kryeministrit Edi Rama bëri sot nga Finiqi, në drejtim të opozitës dhe të kreut të PBDNJ-së, Vangjel Dule, ky i fundit i është kundërpërgjigjur me të njëjtën monedhë.
Me anë të një postimi në Twitter, Dule shkruan se Rama vuan nga një sëmundje, e cila, sipas tij, është sëmundja e politikanit në pushtet.
“Të thënat e sotme të z Rama – simptoma klasike e “sindromës hubris”. “Sëmundjes” më të rrezikshme të politikanit në pushtet sipas lordit Owen”, citohet në mesazhin e Dules.
Rama ironizoi sot Dulen para banorëve të fshatit Aliko, në Finiq, se kreu i PBDNJ-së i ishte bashkuar çadrës.
“Vettingu, që i ka detyruar ata që të futen në çadër, bashkë me Vangjelin. Se di ca bën ai sot. Sot është Shën Thomai, jo Shën Vangjeli. (Shën Gjergji i thonë të pranishmit). Po i thash Gjergji, do ngrihen ata të Athinës dhe të thonë se ‘na morën Jorgon’, – tha Rama.
Sqarim: Sindroma hubris është cilësim për persona që kanë krenari ekstreme apo vetëbesim budallai.
