Dueli historik i UFC-së mes Khabib Nurmagomedov dhe Conor McGregor ka përfunduar me humbjen e këtij të fundit.
Por, dueli ka krijuar kaos menjëherë pas fitores së rusit, teksa ka pasur përleshje dhe arrestime. Pak sekonda pas raundit të katërt të paraqitjes, Khabib dol nga kafazi dhe u drejtua nga ekipi irlandez i McGregor, duke shkaktuar një përleshje.
McGregor u qëllua më pas nga një pjesëtar i ekipit të Nurmagomedov. Tre nga anëtarët e ekipit të këtij të fundit u arrestuan nga policia, por më vonë u liruan.
Presidenti i UFC-së Dana White tha se McGregor kishte refuzuar të ngrinte akuza. White i ka thënë rusit fitues se nuk mund ta ngrinte rripin e tij fitues, pasi kishte frikë se kjo mund të shkakonte incident mes të pranishmëve në duelin historik në Las Vegas.
Pas përleshjes fizike, ka ndërhyrë menjëherë policia dhe forcat e sigurisë. McGregor është shoqëruar menjëherë nga ekipi i tij, ndërsa më pas Nurmagomedov është larguar nga arena i rrethuar nga policia.
Nurmagomedov ka komentuar incidentin përpara gazetarëve, teksa kërkoi ndjesë. Ai tha:
“Dua t’i kërkoj falje komitetit atletik të Nevadas. Kjo nuk është ana ime më e mirë, por edhe unë njeri jam. Nuk e kuptoj pse të gjithë merren me pjesën ku unë dola nga kafazi. Ai foli për fenë time, vendin tim, familjen time, sulmoi autobusin, por njerëzit merren me mua. Të gjithë e dinë kush jam. Ai u dorëzua ashtu siç u pata thënë. Fotoja e tij me Putin u bë shumë mediatike, por po iu them se më telefonoi duke më uruar. Babai im do të jetë mërzitur me mua…”, u shpreh kampioni.
Të dy ‘luftëtarët’ janë përballur disa herë me njëri tjetrin në konferenca dhe janë konfliktuar publikisht. Ndërsa, disa muaj më parë McGregor ka sulmuar një autobus, ku ndodhej Khabib me qëllim për ta sulmuar atë. /TIRANA TODAY
