Më 8 shtator në Dibrën e Madhe të Maqedonisë do të zhvillohet dueli i radhës nga boksieri shqiptar Gjetan Keta në nder të heroit tonë kombëtar, Gjergj Kastriot Skënderbeut. “Duel në themel” është cilësuar përballja që është një rikthim në ring për Gjetanin pas një dëmtimi që mori disa muaj më parë dhe duket se tashmë e ka lënë pas. Kundërshtari i tij do të jetë boshnjaku Sladjan Jananin.
Dueli do të zhvillohet për titullin e Botës në versionin WBU, të cilin më parë e kanë mbajtur boksierë si Xhorxh Foreman apo edhe Roi Xhons.
Gjeta Keta numëron në karrierën e tij 26 ndeshje. Ai ka koleksionuar 22 fitore, 18 prej të cilave me nokaud dhe 4 humbje. Ndërkohë nga ana tjetër, kundërshtari i tij nga Bosnja numëron 28 ndeshje, prej të cilave 25 fitore, ku 19 janë me nokaud dhe 3 humbje.
Dueli do të zhvillohet në 8 shtator në Dibrën e Madhe të Maqedonisë. Keta i ka zhvilluar përgatitjet e fundit në vendlindjen e tij, Bulqizë.
