Dua Lipa është në kulmin e karrierës së saj dhe për këtë ndihemi vërtetë krenarë. Ajo është gjithnjë në qendër të vëmendjes, ndërsa së fundmi është nderuar me disa çmime, që dëshmojnë më së miri popullaritetin dhe suksesin e saj në botë.
Para pak ditësh Lipa ishte e ftuar në një intervistë për “Rolling Stones”, ku u pyet se cilin këngëtar do të zgjidhte mes Kanye Ëest dhe Taylor Swift, ku Dua ka zgjedhur këtë të parin.
Por, kjo zgjedhje e saj duket se i ka hapur telashe, teksa është keqkuptuar nga fansat e Taylor Swift dhe të gjithë filluan të dërgonin mesazhe kërcënuese të mbushura me sharje dhe ofendime në adresë të këngëtares shqiptare.
Për t’i dhënë fund kësaj gjëje Dua ka bërë një sqarim për gjithë ndjekësit e Sëift.
“Unë fola për muzikën e tyre dhe jo ata të dy si njerëz. Taylor Swift është një këngëtare e talentuar, por unë jam fanse e hip-hopit dhe prandaj zgjodha Kanye West. Fansat e këngëtares më dërgonin mesazhe të ndryshme duke nënkuptuar ‘Do të vdisni’”, ka thënë Dua Lipa.
E gjithë kjo ka ardhur për shkak të debateve që kanë nisur që nga viti 2009 midis Taylor Swift dhe Kanye West.
