Menjëherë pas fjalës së Bashës, ka folur Taulant Balla, i cili ka akuzuar kreun e PD-së teksa i tha se edhe sot e bëri detyrën e tij për të ndotur imazhin e Shqipërisë.
Balla replikoi me Bashën në lidhje me kapjen e sasisë rekord të drogës, ndërsa e kundërsulmoi duke i thënë se viti 2010 shënon edhe vitin kur droga e kapur është në nivelin më të ulët.
“E bëtë edhe sot detyrimin për të ndotur imazhin e Shqipërisë. Kush e futi kanabisin në Shqipëri, kush e mbështeti dhe kush ka përfituar vota në Shqipëri. Arsim profesional për të bërë ty një kryetar partie. Ke 5 vjet me një këngë, këngë për veten. Partia juaj është benefit për ne, por për shqiptarët një e keqe e madhe. Kur ishte Sokol Olldashi dhe tani është njëlloj. Në 2010 është viti më i dobët i kapjes së drogës, vit kur ti ke qenë ministër. E kam pritur me shumë dëshirë të ngrinim këtë Komision Hetimor. Por s’kishe pse të nguteshe sot.”
