SHBA-të kanë rivendosur në fuqi urdhrin ekzekutiv të Trump, që parashikon bllokadë për emigrantët e gjashtë vendeve me shumicë popullsie myslimane.
Gjykata Supreme dha dritën jeshile për çështjen, e cila ishte pezulluar më parë pas disa vendimeve që dhanë gjykatat federale amerikane.
Me miratimin e Gjykatës Supreme amerikane, asnjë qytetar nga shtetet e prekura nuk mund të udhëtojë drejt SHBA për 90 ditët e ardhshme, pa patur të afërm ose lidhje biznesi.
Penalizimet hynë në fuqi në orët e vona, ndërsa shtetet që preken nga ky vendim janë Irani, Libia, Siria, Somalia, Sudani dhe Jemeni.
Drejt Shteteve të Bashkuara mund të udhëtojnë edhe ata persona që ndjekin studimet e larta, ose kanë një vizë pune, ndërsa nga rregulli përjashtim bëhet vetëm për personat që kanë dy shtetësi, mbi të cilët nuk aplikohen penalizime.
