Në PD ka zëra që përcjellin optimizëm edhe pse jo të përfshirë në listat e kandidatëve për depuetë. Një prej tyre është Dritan Shano, anëtar i Këshillit Kombëtar të kësaj partie, akademik, specialist i njohur në fushën e financave.
Në Ditën e parë të fushatës, ai bën thirrje se nuk është koha për fjalë por për punë.
“Dje PD bëri listën e vet të deputetëve. Kryetari Basha, pas mesnate, tha se ishte krenar për këtë listë. Tha se kishte qenë i detyruar te bënte “Zgjedhje të Vështira”. Është e qartë se disave nga ne u ra “Zgjedhja”, dhe disave u ra e “Vështira”.
Sot fillon fushata, dhe ne na duhet të japim kontributin që PD të mund të fitojë në zgjedhjet e 25 Qershorit. T’i lemë fjalët për pak më vonë, ose për fare. Shihemi pasdite”, apelon Shano.
