Nga data 10 qershor 2026 hyn në fuqi fshirja e borxheve tatimore dhe doganore.
Tatimpaguesit mund të përfitojnë falje 25% të detyrimeve për vitet 2015–2019 nëse paguajnë 75% të borxhit deri më 31 dhjetor, ndërsa për vitet 2020–2024 fshihen gjobat dhe kamatat nëse paguhet 100% e detyrimit deri më të njëjtën datë.
Në postimin e Drejtorisë së Tatimeve shkruhet:
Nis zbatimi i ligjit për faljen/shuarjen e detyrimeve tatimore, në vijim të udhëzimit nr. 11, datë 14.05.2026.
Nga data 10 Qershor 2026, tatimpaguesit mund të kryejnë pagesat për të përfituar nga lehtësitë ligjore:
Fshihen detyrimet deri më 31.12.2014
Falet 50% e principalit për detyrimet 2015–2019, nëse paguhen deri më 30.06.2026
Falet 25% e principalit për detyrimet 2015–2019, nëse paguhet 75% e detyrimit deri më 31.12.2026
Fshihen gjobat dhe kamatëvonesat për detyrimet 2020–2024, nëse paguhet 100% e principalit deri më 31.12.2026
Tatimpaguesit mund të kryejnë pagesat nga 10 qershori 2026 për të përfituar nga këto lehtësira dhe për të ulur borxhet e akumuluara ndaj shtetit.
