Napoli nuk priti gjatë por në merkaton e janarit siguroi shërbimet e Amir Rrahmanit. Mbrojtësit iu desh vetëm një sezon në Serinë A për të konfirmuar cilësitë e tij, e kështu në sezonin e ardhshëm do të bëjë një hap të madh në karrierë duke luajtur me të kaltrit.
Së fundmi, ka qenë drejtori sportiv i Napolit, Cristiano Giuntoli, i cili ka folur për lojtarin e Përfaqësueses së Kosovës duke e quajtur si një mbrojtës të zotin dhe që mund të organizojë lojën edhe nga difensiva. “Rrahmani është mjaft i zoti në mbulim, por edhe kur bëhet fjalë për të impostuar dhe për të nisur aksionin nga prapavija.
Duam të vendosim në dispozicion të trajnerit tonë lojtarë funksionalë dhe që i përshtaten karakteristikave të tija”, u shpreh drejtori i Napolit. Ndërkohë, përveç Rrahmanit, Napoli është në garë edhe për shërbimet e Marash Kumbullës, duke qenë se me shumë mundësi në sezonin e ardhshëm nuk do jetë Koulibaly.
