Pas Evropës Perëndimore, Kinës dhe Indisë, edhe Turqia është përfshirë nga përmytje shkatërrimtare dhe vërshimet e ujit, për shkak të reshjeve të dendura të shiut.
Sipas informacioneve nga autoritetet vendase, zona më e prekur është ajo e qyteti Arhavi në Detin e Zi, dhe deri më tani, mësohet se rreth 200 persona janë evakuar, teksa fatmirësisht nuk është regjistruar asnjë viktimë, shkruan The Guardian.
Media prestigjoze britanike, ka publikuar pamje nga zonat e përmbytura në Turqi, ku shihet se si vërshimet masive të ujit marrin para gjithçka, dhe shumë rrugë janë bllokuar si pasojë e nivelit të lartë të ujit.
Përmbytjet janë të zakonshme përgjatë rajonit bregdetar të Detit të Zi të Turqisë në këtë kohë të vitit. Javën e kaluar, të paktën gjashtë persona humbën jetën dhe dy të tjerë u zhdukën nga përmbytjet në provincën e Rize.
Presidenti i Turqisë, Rexhep Tajip Erdogan premtoi se qeveria do të mbështesë menjëherë viktimat me 18 milion lira turke dhe se brenda një viti do të ndërtohen më shumë se 550 shtëpi për të rivendosur ata që humbën pronën e tyre në përmbytjet katastrofike.
