Anëtari i Gjykatës Kushtetuese Besnik Imeraj, i cili dha dorëheqjen sot, ka një karrierë të gjatë në sistemin gjyqësor. Imeraj ishte anëtar i Gjykatës Kushtetuese që prej marsit të vitit 2013-të e ka gjykuar mjaft dosje të bujshme, përfshi këtu atë të Gërdecit, por edhe atë të Arben Frrokut e Aldo Bares.
Ai rezulton të jetë në treshen e gjyqtarëve që liruan nga akuzat ish-ministrin e Transporteve Lulëzim Basha dhe vartësin e tij Andi Toma në 2013-ën pas akuzave për abuzime në skandalin e rrugës Durrës-Kukës, është liruar nga të gjitha akuzat.
Po ashtu Imeraj ka qenë edhe relator në Kushtetuese për ligjin e Vettingut dhe ndër të parët që kërkuar shqyrtimin e këtij procesi nga Komisioni i Venecias, gjë që shtyu në kohë miratimin e reformës në drejtësi.
Besnik Imeraj është prej vitit 1977 në organet e drejtësisë. Ai ka qenë gjyqtar në Apelin e Durrësit, e më pas anëtar i Këshillit të Lartë të Drejtësisë. Pas tetë viteve në Gjykatën e Lartë, Imeraj u dekretua si anëtar i Gjykatës Kushtetuese nga ish Presidenti Bujar Nishani ne 22 Mars te vitit 2013.
