Lady Gaga është nderuar me një çmim për pjesëmarrjen në “A Star Is Born”. Ajo preku të pranishmit gjatë fjalimit, pasi foli për problemet mendore që ka kaluar gjatë jetës.
Gjendja e rënduar psikologjike, e detyroi që të kërkojë ndihmë për trajtim. Lodhja e shkaktuar nga aktivitetet e shumta, mund ti merrte jetën.
“Pas shumë vitesh që i thoja ‘po’ punës, intervistave, eventeve, të gjitha mundësive, për ta cilat padyshim jam shumë mirënjohëse dhe pasi punova aq fort sa munda për të arritur ëndrrat e mia, fjala ‘po’ u kthye në diçka automatike.
Zëri im i brendshëm u fik, dhe kjo gjë nuk është e shëndetshme. Unë nuk kisha fuqinë të thoja ‘jo”, tregoi këngëtarja.
