Kryeministri Edi Rama u mjaftua me një postim të shkurtër në Twitter për të njoftuar dorëheqjen e ministrit të Brendshëm, Fatmir Xhafaj.
Sigurisht, kjo dorëheqje nuk pritej dhe krijoi bujë të madhe. Opozita e cilëson këtë si një fitore të sajën, ndërsa dorëheqja është komentuar edhe si pasojë e në presioni të mundshëm, pas paralajmërimit për një konferencë për shtyp nga ish-ministri Tahiri.
Por, teksa e gjithë mazhoranca ka zgjedhur të heshtë dhe të mos bëjë asnjë koment lidhur me këtë dorëheqje, reagimet e opozitës kanë qenë të shumta.
Ndërkohë, kryeministri nuk ka dhënë asnjë arsye përse pranoi dorëheqjen e Fatmir Xhafajt, një emër i lakuar shpesh nga opozita për lidhje me krimin.
Por, çfarë po bën tashmë Rama? Kryeministri ka zgjedhur të ‘arratiset’ nga Tirana, duke iu larguar bujës së dorëheqjes së Xhafajt. Ai ka zgjedhur të zhvillojë një takim me gratë dhe vajzat në Lushnjë, ku po bisedon lidhur me lojërat e fatit.
