Milan do të ketë problem për të mbajtur në skuadër Gianluigi Donnarumma. Gardiani i kuqezinjve është një emër që qarkullon në çdo merkato, por këtë herë duket se fjalët janë të vërteta. Agjenti i tij Mino Raiola nuk ka ndërmend të lejojë një aset të tij jashtë Champions League.
Për portierin, e interesuar mbetet prej kohësh Juventus, që e sheh si zëvendësuesin natyral të Buffon. Ndaj, “Djalli” ka përgatitur veten për skenarin i cili sezonin e ardhshëm e sheh pa Donnarumma, dhe ka përpiluar një listë me tre emra që mund të transferohen në Milano.
Mes tyre është edhe emri i portierit të kombëtares, Thomas Strakosha. Portieri vazhdon me paraqitjet e tij fantastike me Lazio, duke tërhequr vëmendjen e kuqezinjve. Për 25-vjeçarin nevojiten 30 milionë euro, ndërsa Milan bën mirë të nxitojë pasi për Strakoshën ka një interes të lartë edhe nga klubet e Premier League.
