Ambasadori amerikan Donald Lu ka lëshuar një tjetër deklaratë të fortë drejt politikanëve shqiptarë, ku peshqit e mëdhenj sipas tij, duhet të përfundojnë në burg. Kjo deklaratë vjen pas atyre të pak ditëve më parë për familjet mafioze dhe klanet e krimit në Shqipëri. Tashmë përveç denoncimit, Lu kërkon që ata të marrin edhe dënimin e merituar duke kërkuar veprime konkrete kundër peshqve të mëdhenj të krimit.
Lu e dha këtë mesazh në formën e një komenti pas videos së postuar nga gazetari Skënder Minxhozi. “Të lumtë, Skënder Minxhozi! Të gjithë nxitojnë ta shohin këtë betejë si kundër PS-së apo PD-së. Ne amerikanët, duam veprime vendimtare kundër peshqve të mëdhenj të krimit. Ne duam që të gjithë shqiptarët të ndalojnë grindjen dhe të fillojnë punën drejt një synimi të përbashkët: këta gangsterë të futen në burg. Mjaft u zutë dhe futuni punës”, shkruan Ambasadori Donald Lu.
