https://www.facebook.com/tiranatodaycom/videos/356193378158739/
Ambasadori amerikan Donald Lu ka marrë pjesë në aktivitetin e organizuar për 20-vjetorin e Shkollës së Magjitraturës. Gjatë fjalës së tij, Lu foli hapur për kriminalizimin e shoqërisë shqiptare, ku dha informacione për grupet kriminale në Shqipëri, duke numëruar 20 prej tyre, ndërsa shtoi se në Shqipëri veprojnë 4 klane kryesore.
“Shqiptarët duhet të jenë krenarë që kanë larguar kriminelët nga parlamenti. Parlamenti i 2017 është më i mirë se ai i mëparshmi. Lufta kundër krimit të organizuar derisa peshqit e mëdhenj të futen në burg. 20 familje kriminale dominojnë krimin në Shqipëri. Në Shqipëri veprojnë 4 klane kryesore.
Lul Berisha u lirua gabimisht nga burgu. Fildes Hafizi u la në baltë nga sistemi i drejtësisë. Balili ia ka dalë prej 18 muajsh t’i shpëtojë drejtësisë, Shullazi thuhet se vazhdon betejën ligjore.
Lufta kundër krimit të organizuar bëhet për peshqit e mëdhenj. Ka shumë Shullazë, Klemend Balili dhe Lul Berisha në Shqipëri që meritojnë burg. Vettingu nis javën që vjen dhe do të jetë një proces me profesionalizëm.
Në 2016 u arrestuan 1940 persona, por më pak se 100 u dënuan. 20 familje kriminale dominojnë krimin në Shqipëri. Shullazi është një prej tyre. Mes këtyre familjeve veprojnë 4 klane kryesore”, është shprehur Lu, duke lënë të kuptohet se ambasada amerikane ka informacione të hollësishme për atë që ndodh në vendin tonë.
