Studentët prej dy ditësh vazhdojnë protestën para Ministrisë së Arsimit për heqjen e tarifave për provimet e mbetura. Ata i dërguan katër kërkesa të qarta ministres Lindita Nikolla dhe kërkuan që të plotësoheshin menjëherë ndryshe nuk do ndalej protesta. Ditën e sotme Nikolla ka komunikuar se janë ngritur grupe pune për të anuluar VKM-në, ndërsa kryeministri Edi Rama kishte firmosur anulimin e VKM-së.
Por një ditë më parë vetë kryeministri Rama me anë të një deklarate në rrjetet sociale i quajti studentët që protestojnë ngelësa dhe se taksapaguesit nuk duhet të paguanin për ata. Por ‘Shijak Tv’ ka zbuluar dokumentin që tregon se cila ka qenë mesatarja e Lindita Nikollas, ministres së Arsimit.
Ajo nuk ka qenë një studente ekselente dhe se mesatarja e saj e përgjithshme ka qenë 6.8 në tre vitet e para, ndërsa 5.9 ka pasur mesataren e specialiteteve.
“Një mesatare specialitetesh 5.9, mesatare e përgjithshme 6.8, dhe shoqërore 7.2, janë të dhënat e tre viteve të para të studentes Lindita Gjergji (Nikolla) në fakultetin e Shkencave të Natyrës”.
