Gazetari Basir Çollaku është kërcënuar me jetë, pasi publikoi intervistë me ish-oficerit të policisë Emiljano Nuhu, i cili ka akuzuar se është kërcënuar nga dy deputetët socialistë Rrahman Rraja dhe Taulant Balla.
“Kanosja ne tv Shijak “Do tju vrasim do tju fshijme. “Kanosje ne redaksine e Shijak tv. Sapo Televizioni Shijak transmetoi pjesen e pare te intervistes se nenkomisar Emiljano Nuhut, qe denonconte kansojen ne zyre ndaj tij te djalit te deputetit Rrahman Raja, ne prani te deputetit Taulant Balla dhe kryebashkiakut Artur Bushi, banda e trazuar nisi nga kercenimet. Nje telefonate vjen ne numrin fiks te redaksise dhe thote:
do tju vrasim, do tju fshijme
Ky eshtr mesazhi mafioz i ardhur ne redaksi. Prokuroria nese eshte vullnetdashese ne zbatim.te ligjit mund te hulumtoje dhe gjeje telefonuesin e bandes kriminale. Ne do te vazhdojme te permbushim misionin tone te fjales se lire”, shkruan gazetari ne “Facebook”.
Kërcënimi ndaj ish-oficerit të policisë Emiljano Nuhu ka nisur për shkak të djalit të deputetit Rraja, i cili ka qenë i lidhur me një vajzë në Krujë. Sipas pretendimeve, pasi çifti është ndarë, vajza thotë se është kërcënuar dhe dhunuar nga djali i deputetit Rrahman Rraja, Rexhep Rraja.
Më pas vajza ka bërë denoncim ndaj tij dhe pretendohet se pastaj e ka tërhequr kallëzimin. Dëshminë e saj e ka marrë nënkomisari i policisë së Krujës Emiljano Nuhu. Ky i fundit, në intervistën që ka dhënë për gazetarin Çollaku, thotë se është kërcënuar në zyrë me armë në kokë nga vëllai i deputetit Rraja, ku të pranishëm ishin edhe vet deputetët Balla e Rrahman Rraja.
