Një i ri shqiptar i cili shantazhonte një greke me fotot intime, tashmë ka rënë në prangat e policisë. Është dashur ndërhyrja në kohë e policisë, që të përfundonte edhe mankthi për një 14-vjeçare, e cila i kishte dërguar fotot në Instagram 22-vjeçarit shqiptar.
Shqiptari, identiteti i të cilit nuk bëhet me dije, kishte shantazhuar një 14-vjeçare greke, se do ti publikonte fotot dhe videot nudo nëse ajo nuk pranonte kërkesat e tij. Rasti në fjalë ka ndodhur në Messini, ku e mitura greke kishte kontaktuar më shqiptarin në Instagram, ku dhe kishin shkëmbyer fotot.
Mediat greke raportojnë se shqiptari, pasi i kishte marrë fotot e vajzës, e kërcënonte dhe e shantazhonte atë. Fotot dhe videot e vajzës kishin filluar të shpërndaheshin, ndërsa vajza së bashku me nënën e saj bënë denoncimin në polici.
