Zbulohen detaje të reja lidhur me vrasjen e gazetarit saudit, Jamal Khashoggi. Mediat turke shkruajnë se në regjistrimin e audios para vrasjes së gazetarit, mund të dëgjohet ky i fundit teksa urdhëron vrasësit ta lirojnë atë.
Në regjistrim gazetari 59-vjeçar quhet “tradhtar” dhe i thuhet se do të japë llogari për atë që ka bërë.
Po ashtu, në regjistrim përfshihet një bisedë mes personave që e kanë vrarë gazetarët, teksa njëri prej tyre ankohet se i duhet të veshë rrobat e Khashoggit për kryer një mashtrim që do hiqte përgjegjësinë e vrasjes brenda ambasadës.
Pak pas hyrjes në konsullatën në Stamboll, gazetari dëgjohet teksa thotë: “Më lëshoni krahun! Çfarë mendoni se po bëni?”
Mediat turke vijojnë se pas këtyre fjalëve, vijon një grindje verbale, zhurma e një përleshjeje fizike dhe më pas rrahje e tortura.
Më shumë se një orë pas hyrjes së Khashoggit në konsulltaë, dëgjohet një zë mashkulli teksa thotë se ‘është drithëruese të veshësh rrobat e një burri që e keni vrarë 20 minuta më parë’.
Ai ankohet se këpucët e Khashoggit janë shumë të vogla për të, dhe më pas i thuhet të veshë atletet e tij.
Ky mendohet se është zëri i një burri të identifikuar si Mustafa al-Madani, i cili u kap nga CCTV duke ecur i veshur me rrobat e Khashoggit në Xhaminë Blu, pak orë pas vrasjes së gazetarit.
Prokuroria Saudite e shfajësoi Princin e Kurorës Mohammed bin Salman, duke dalë me vendimin se ai nuk ishte i përfshirë në vrasje./ TIRANA TODAY
