Kryetari i Partisë së Lirisë, Ilir Meta, ka konfirmuar me anë të një postimi në rrjetet sociale se Eriol Brahimllari do mbajë postin e drejtorit të kabinetit të tij. Meta shprehet optimist se Braimllari do të japë kontribut në përmbushjen e objektivave të përbashkëta dhe përfshirjen e rinisë.
“Kënaqësi të konfirmoja sot z. Eriol Braimllari si Drejtor të Kabinetit tim. Besoj se ai do të japë një kontribut të rëndësishëm në përmbushjen e objektivave të përbashkëta dhe në veçanti në politikat tona për përfshirjen e rinisë dhe mbështetjen e familjeve të reja”.
Një ditë më parë, kryetari i Partisë së Lirisë, Ilir Meta, foli për aksionin opozitar, dhe për protestën e paralajmëruar për javën e ardhshme tek inceneratori i Tiranës. Meta tha se ka ardhur koha që lufta kundër korrupsionit të bëhet tani aty ku ndodh krimi, dhe jo vetëm me denoncime në SPAK.
